Ulaanbaatar
Монголбанк он гарсаар 13 тн үнэт металл худалдан авчээ
МОНГОЛЫН МЭДЭЭ | ЭДИЙН ЗАСАГ
Улаанбаатар /МОНЦАМЭ/. Монголбанк 2020 оны 7 дугаар сард 2.2 тн, оны эхнээс өссөн дүнгээр нийт 13 тн үнэт металл худалдан авчээ.
Энэ нь өмнөх оны мөн үетэй харьцуулбал 5.5 тн-оор өссөн үзүүлэлт бөгөөд нийт худалдан авсан үнэт металлын 11.3 тн нь алт, 1.7 тн нь цагаан мөнгө байна.
2020 оны 7 дугаар сард Дархан-Уул аймаг дахь Монголбанкны хэлтэс 81.7 кг, Баянхонгор аймаг дахь Монголбанкны салбар 169 кг үнэт металл худалдан авсан байна. Монголбанкны 1 грамм алт худалдан авах дундаж үнэ 2020 оны 6 дугаар сард 167,504.44 төгрөг байлаа.
