Ulaanbaatar
"Монгол нэхмэл", "Улаанбаатар хивс" ХК-ийн ханш хамгийн их өсөв
МОНГОЛЫН МЭДЭЭ | ЭДИЙН ЗАСАГ
Улаанбаатар /МОНЦАМЭ/. Монголын Хөрөнгийн бирж өнөөдөр энгийн арилжаагаар I, II, III ангиллын 27 ХК-ийн 109.8 сая төгрөгийн үнийн дүн бүхий 278.436 ширхэг хувьцаа арилжив. Үүнээс 10 ХК-ийн хувьцааны ханш өсөж, 13 ХК-ийн хувьцааны ханш буурсан бол 4 үнэт цаасны ханш тогтвортой байлаа.
Энэ өдөр "Монгол нэхмэл" (MNH+8.57%) болон "Улаанбаатар хивс" ХК UBH+5.13%)-ийн хувьцааны ханш хамгийн өндөр өсөлттэй байсан бол "Эрдэнэт хүнс" (TAS-5.88%) болон "Би ди сек" ХК (BDS-3.94%)-ийн хувьцаа хамгийн их уналттай байлаа.
Багцын арилжаагаар Инвескор ББСБ ХК-ийн 450.000 хувьцааг 963,900,000 төгрөгөөр арилжаалав.
"TOP 20" индекс 0.28 хувиар өсөж, 16489.71 нэгжид хүрсэн бол зах зээлийн үнэлгээ 22,488,671,191,122.56 төгрөг боллоо. Арилжааны дэлгэрэнгүй мэдээллийг Энд дарж үзнэ үү.
