Ulaanbaatar
Испани улс хамгийн олон цагаач иргэн хүлээн авчээ
ДЭЛХИЙН МЭДЭЭ | НИЙГЭМ
МАДРИД. /Xinhua/. Испани улс энэ оны эхний арван сарын байдлаар Африкийн 47 мянга гаруй цагаач иргэн хүлээн авсан тухай тус улсын Дотоод хэргийн яам болон Олон улсын шилжилт хөдөлгөөний байгууллагаас /ОУШХБ/ даваа гарагт гаргасан тайланд мэдээлэв.
2018 оны нэгдүгээр сараас 10 дугаар сарын сүүл хүртэлх хугацаанд Испани
улсад ирсэн цагаачдын тоо 47505 хүрсэн нь өнгөрсөн зургаан жилийн хугацаанд
байгаагүй өндөр үзүүлэлт болсон байна.
Зөвхөн 10 дугаар сард л гэхэд Африкийн арван мянга гаруй цагаач иргэн Газрын дундад тэнгисийг
туулан Испанийг зорисон нь өвөл болохоос өмнө амжиж ирсэн нь энэ ажээ.
Цагаачдын олонхи нь Хойд Африкаас аюултай далайн аялал хийж ирсэн бөгөөд
нийт 1775 завь боомтод ирсний дийлэнх нь тогтворгүй, хийлдэг завь байсан байна.
Үүний зэрэгцээ дээрх аяллын үеэр 564 хүний амь нас эрсэдсэн тухай Олон улсын шилжилт хөдөлгөөний байгууллагын тайланд мэдээлжээ.
