Ulaanbaatar
Ш.Түмэнцэцэг Азийн наадмын аваргын төлөө хүч үзэхээр болов
МОНГОЛЫН МЭДЭЭ | СПОРТ
Жакарта /МОНЦАМЭ/. Азийн XYIII зуны спортын наадмын чөлөөт бөхийн 3 дахь өдрийн тэмцээнээс манай баг дахин нэг алтан медалийн төлөөх барилдаан хийхээр боллоо.
Эмэгтэйчүүдийн 68 кг-д хүчээ сорьж буй ОУХМ Ш.Түмэнцэцэг ¼ шигшээд Энэхэгийн тамирчин Какран Дивьяатай барилдаж 11:1-ээр илүүрхэн ялсан юм. Тэрбээр хагас шигшээд Тайванийн бөх Чен Вэнлиг 10:0-ээр ялж Азийн наадмын аваргын төлөө Хятадын тамирчин Жоу Феньтэй барилдахаар шалгарлаа.
Харин эмэгтэйчүүдийн 76 кг-д гавьяат тамирчин О.Насанбурмаа Японы бөх Минагава Хироетай ¼ шигшээд учраа таарч 1:13-аар хожигдсон бөгөөд хүрэл медалийн төлөө Киргизийн тамирчин Мэдэт Кызи Айпэритэй хүч үзэхээр болов.
Д.Өлзий
