Ulaanbaatar
Азийн наадмын Монголын багийн хоёр дахь медалийг О.Үйтүмэн хүртлээ
МОНГОЛЫН МЭДЭЭ | СПОРТ
Жакарта /МОНЦАМЭ/. Монгол Улсын гавьяат тамирчин Эрдэнэбатын Бэхбаяр Монголын баг тамирчдын медалийн салхийг алтан медалиар хагалсан бол О.Үйтүмэн хүрэл медаль хүртлээ.
Өнөөдөр чөлөөт бөхийн тэмцээний эрэгтэйчүүдийн 57, 65 74, 86, 97 кг жингийн барилдаанууд болсон бөгөөд Ө.Батмагнай хүрэл медалийн төлөө барилдаж Узбекстаны бөхөд 6:10-аар хожигдов.
О.Үйтүмэн хүрлийн төлөө Энэтхэгийн бөх Кумар Павантай барилдаж 8:1-ээр ялж Монголын баг тамирчдын хоёр дахь медалийн эзэн болж манай баг нэг алт, нэг хүрэл медальтай боллоо. Монгол Улсын баг тамирчид өнөөдрийн байдлаар энэ амжилтаараа наадамд оролцогч 45 улсаас Энэтхэг, Узбекстан зэрэг 10 улсын хамт наймдугаар байр явж байна.
Д.Өлзий
