Ulaanbaatar
Дугуйчин Б.Марал-Эрдэнэ Тайландад тэргүүн байрт шалгарлаа
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Авто замын салбарын “Авто зам” дугуйн клуб, “Алтайн зам” ХХК-ийн тамирчин Б.Марал-Эрдэнэ Тайландад олон улсын дугуйн уралдаанд Монголоос ганцаараа хурд хүчээ үзэж тэргүүн байрт шалгарлаа.
ОУХМ Б.Марал-Эрдэнэ нь Хөвсгөл аймгийн уугуул, “Мон-Алтиус” БТДС-ийн оюутан бөгөөд Монгол Улсын гавьяат Ж. Өлзий-Оршихийн шавь юм. Тэрбээр насанд хүрэгчдийн УАШТ-ий хүрэл медаль, БНХАУ-ын Чинхай Лейк олон улсын олон өдрийн уралдааны шилдэг дугуйчны шагнал, Азийн оюутны АШТ-ий хувийн дүнгээр 2 хүрэл, багийн дүнгээр гурван алтан медаль тус тус хүртсэн өсч яваа шилдэг тамирчин билээ.
Д.Өлзий
