Ulaanbaatar
Оюутан Л.Мөнхцоож ”Миний урлан-2” хайчилбар зургийн үзэсгэлэн гаргалаа
ОРОН НУТГИЙН МЭДЭЭ | ХОВД
Ховд/МОНЦАМЭ/ Ховд их сургуулийн Нийгэм, хүмүүнлэгийн ухааны сургуулийн Түүх-эрх зүйн тэнхмийн Эрхзүйн IV курсын оюутан Л.Мөнхцоож "Миний урлан-2" хайчилбар зургийн үзэсгэлэн гаргалаа.
Уран бүтээлчээс чамгүй тэсвэр хатуужил, харааны болон гоо зүйн нарийн мэдрэмж шаарддаг цаасан урлалын нэг төрөл болох хайчилбар зургийн 30 бүтээлийг үзэсгэлэнд дэлгэн тавьсан байна.
Ховд зочид буудалд нээлтээ хийсэн уг үзэсгэлэнд тавьсан бүтээлүүдийн хувьд үндэсний түүх соёлыг харуулсан дахин давтагдашгүй, уран нарийн хийцтэй хайчилбарууд зонхилжээ. Хайчилбар бол өнгөний хоёр туйлаар урладаг ухаан бөгөөд амьдралыг гэрэл сүүдрээр хослуулан үзүүлдэг, хар хавтгай цаасыг хайчилж цагаан дүрсээр орон зай үүсгэдэг өвөрмөц урлаг юм. Түүний хувьд 2016 оноос эхлэн хайчилбарыг сонирхон суралцаж эхэлсэн бөгөөд орон зай, гоо зүй, харааны өндөр чадвар шаардсан цаасан урлалын төрлийн бүтээлээр бие даасан хоёр дахь үзэсгэлэнгээ гаргаж байгаадаа туйлын их баяртай байгаагаа хэлж байсан юм.
Уран бүтээлчээс чамгүй тэсвэр хатуужил, харааны болон гоо зүйн нарийн мэдрэмж шаарддаг цаасан урлалын нэг төрөл болох хайчилбар зургийн 30 бүтээлийг үзэсгэлэнд дэлгэн тавьсан байна.
Ховд зочид буудалд нээлтээ хийсэн уг үзэсгэлэнд тавьсан бүтээлүүдийн хувьд үндэсний түүх соёлыг харуулсан дахин давтагдашгүй, уран нарийн хийцтэй хайчилбарууд зонхилжээ. Хайчилбар бол өнгөний хоёр туйлаар урладаг ухаан бөгөөд амьдралыг гэрэл сүүдрээр хослуулан үзүүлдэг, хар хавтгай цаасыг хайчилж цагаан дүрсээр орон зай үүсгэдэг өвөрмөц урлаг юм. Түүний хувьд 2016 оноос эхлэн хайчилбарыг сонирхон суралцаж эхэлсэн бөгөөд орон зай, гоо зүй, харааны өндөр чадвар шаардсан цаасан урлалын төрлийн бүтээлээр бие даасан хоёр дахь үзэсгэлэнгээ гаргаж байгаадаа туйлын их баяртай байгаагаа хэлж байсан юм.
А.Бямбасүрэн
