Ulaanbaatar
Денверт болсон цасан баримлын тэмцээнд Монголын баг тэргүүллээ
МОНГОЛЫН МЭДЭЭ | СОЁЛ УРЛАГ
Улаанбаатар /МОНЦАМЭ/. АНУ-ын Денвер хотод жил бүр зохион байгуулдаг Брекенрижийн олон улсын цасан баримлын тэмцээн энэ сарын 22-29-нд болж байна.
Энэ тэмцээнд 12 улсын 16 баг тамирчид оролцож байгаа бөгөөд Монголын уран бүтээлчид 6 дахь жилдээ амжилттай оролцож тэргүүн байрт шалгарлаа.
Монгол Улсаас хоёр баг ур чадвараа сорьж Ц.Мөнх-Эрдэнэ ахлагчтай Х.Алтанхүү, Б.Цэдэвдорж, Э.Ууганцэцэг нарын уран бүтээлчид "Нууц" бүтээлээрээ нэгдүгээр байр эзэлсэн бол Ц.Батмөнх ахлагчтай уран бүтээлчид “Цаг хугацаа” сэдэвт бүтээлээр "Уран бүтээлчдийн нэрэмжит шагнал" хүртсэн байна.
.jpg)
Дашрамд сонирхуулахад, 2017 онд уг тэмцээнд манай улсын хоёр баг хамтдаа “Artist choise awards” шагнал хүртэж, багийн төрөлд III байр эзэлж байжээ.
Д.Өлзий
