Ulaanbaatar
Үндсэн хуульд нэмэлт өөрчлөлт оруулах асуудлаар цахим хурал болов
ОРОН НУТГИЙН МЭДЭЭ | ХОВД
Ховд/МОНЦАМЭ/Үндсэн хуульд нэмэлт, өөрчлөлт оруулах төслийг олон нийтээр хэлэлцүүлэх ажлын хүрээнд “Улсын Их Хурлын гишүүд, аймаг, нийслэлийн төрийн захиргааны болон нутгийн өөрөө удирдах байгууллагын ажилтнуудын цахим хурал” боллоо.
Уг хуралд УИХ-ын Төрийн байгуулалтын байнгын хорооны дарга Н.Энхболд, УИХ-ын гишүүн, Засгийн газрын Хэрэг эрхлэх газрын дарга Ж.Мөнхбат, УИХ-ын гишүүн Д.Лүндээжанцан, Н.Цэрэнбат, Д.Гантулга, Ж.Батзандан, Зөвлөлдөх зөвлөлийн дарга Д.Лхамжав болон нийслэлийн есөн дүүрэг, 21 аймаг, сумдын Засаг дарга, Иргэдийн төлөөлөгчдийн хурлын тэргүүлэгчид, УИХ-ын Тамгын газрын ажилтнууд оролцов. УИХ-ын Н.Энхболд цахим хурлыг нээж хэлсэн үгэндээ, Үндсэн хуульд нэмэлт, өөрчлөлт оруулах асуудлаар явуулсан анхдугаар зөвлөлдөх санал асуулгын зөвлөмжийн дагуу Ажлын хэсгээс боловсруулсан төслийг олон нийтээр хэлэлцүүлэхээр болсон. Энэхүү олон нийтийн хэлэлцүүлгийн дүнг эцэслэн боловсруулж, Улсын Их Хурлын 2017 оны намрын чуулганаар өргөн мэдүүлэхээр болсон гэдгийг онцлов.
Цахим хуралдаанд Зөвлөлдөх зөвлөлийн дарга Д.Лхамжав “Монгол Улсын Үндсэн хуульд нэмэлт, өөрчлөлт оруулах асуудлаар явуулсан анхдугаар зөвлөлдөх санал асуулгын зөвлөмж”- ийг, Улсын Их Хурлын гишүүн Н.Энхболд Улсын Их Хурлын 2017 оны 39 дүгээр тогтоолыг тус тус танилцуулав. Түүнчлэн Улсын Их Хурлын гишүүн Д.Лүндээжанцан Монгол Улсын Үндсэн хуульд оруулах нэмэлт, өөрчлөлтийн төслийг, Засгийн газрын Хэрэг эрхлэх газрын дарга Ж.Мөнхбат Монгол Улсын Үндсэн хуульд оруулах нэмэлт, өөрчлөлтийн төслийн талаар иргэдийн саналыг авах хэлэлцүүлгийн зохион байгуулалтын талаар мэдээлэл хийлээ.
Цахим хуралд оролцож буй аймаг, нийслэлийн төрийн захиргааны болон нутгийн өөрөө удирдах байгууллагын төлөөллүүд олон нийтийн хэлэлцүүлэг зохион байгуулах бэлтгэл ажлынхаа талаар товч танилцуулсан. Ховд аймгийн тухайд олон нийтийн хэлэлцүүлгийг Жаргалант, Мөст, Эрдэнэбүрэн сумдад ирэх 8 дугаар сарын эхээр бүсчилсэн хэлбэрээр зохион байгуулахаар бэлтгэл ханган ажиллаж байна. Уг цахим хуралд Ховд аймгаас ИТХ-ын дарга Г.Пүрэвганди, аймгийн Засаг дарга Д.Галсандондог, Засаг даргын орлогч Ш.Батсүх, аймгийн ИТХ-ын нарийн бичгийн дарга Б.Сандагсүрэн болон аймгийн ИТХ, ЗДТГ-ын хэлтсийн дарга нар, холбогдох мэргэжилтнүүд оролцлоо гэж Ховд аймгийн ЗДТГ-ын хэвлэлийн төлөөлөгч Г.Алтанзаяа мэдээллээ.
Уг хуралд УИХ-ын Төрийн байгуулалтын байнгын хорооны дарга Н.Энхболд, УИХ-ын гишүүн, Засгийн газрын Хэрэг эрхлэх газрын дарга Ж.Мөнхбат, УИХ-ын гишүүн Д.Лүндээжанцан, Н.Цэрэнбат, Д.Гантулга, Ж.Батзандан, Зөвлөлдөх зөвлөлийн дарга Д.Лхамжав болон нийслэлийн есөн дүүрэг, 21 аймаг, сумдын Засаг дарга, Иргэдийн төлөөлөгчдийн хурлын тэргүүлэгчид, УИХ-ын Тамгын газрын ажилтнууд оролцов. УИХ-ын Н.Энхболд цахим хурлыг нээж хэлсэн үгэндээ, Үндсэн хуульд нэмэлт, өөрчлөлт оруулах асуудлаар явуулсан анхдугаар зөвлөлдөх санал асуулгын зөвлөмжийн дагуу Ажлын хэсгээс боловсруулсан төслийг олон нийтээр хэлэлцүүлэхээр болсон. Энэхүү олон нийтийн хэлэлцүүлгийн дүнг эцэслэн боловсруулж, Улсын Их Хурлын 2017 оны намрын чуулганаар өргөн мэдүүлэхээр болсон гэдгийг онцлов.
Цахим хуралдаанд Зөвлөлдөх зөвлөлийн дарга Д.Лхамжав “Монгол Улсын Үндсэн хуульд нэмэлт, өөрчлөлт оруулах асуудлаар явуулсан анхдугаар зөвлөлдөх санал асуулгын зөвлөмж”- ийг, Улсын Их Хурлын гишүүн Н.Энхболд Улсын Их Хурлын 2017 оны 39 дүгээр тогтоолыг тус тус танилцуулав. Түүнчлэн Улсын Их Хурлын гишүүн Д.Лүндээжанцан Монгол Улсын Үндсэн хуульд оруулах нэмэлт, өөрчлөлтийн төслийг, Засгийн газрын Хэрэг эрхлэх газрын дарга Ж.Мөнхбат Монгол Улсын Үндсэн хуульд оруулах нэмэлт, өөрчлөлтийн төслийн талаар иргэдийн саналыг авах хэлэлцүүлгийн зохион байгуулалтын талаар мэдээлэл хийлээ.
Цахим хуралд оролцож буй аймаг, нийслэлийн төрийн захиргааны болон нутгийн өөрөө удирдах байгууллагын төлөөллүүд олон нийтийн хэлэлцүүлэг зохион байгуулах бэлтгэл ажлынхаа талаар товч танилцуулсан. Ховд аймгийн тухайд олон нийтийн хэлэлцүүлгийг Жаргалант, Мөст, Эрдэнэбүрэн сумдад ирэх 8 дугаар сарын эхээр бүсчилсэн хэлбэрээр зохион байгуулахаар бэлтгэл ханган ажиллаж байна. Уг цахим хуралд Ховд аймгаас ИТХ-ын дарга Г.Пүрэвганди, аймгийн Засаг дарга Д.Галсандондог, Засаг даргын орлогч Ш.Батсүх, аймгийн ИТХ-ын нарийн бичгийн дарга Б.Сандагсүрэн болон аймгийн ИТХ, ЗДТГ-ын хэлтсийн дарга нар, холбогдох мэргэжилтнүүд оролцлоо гэж Ховд аймгийн ЗДТГ-ын хэвлэлийн төлөөлөгч Г.Алтанзаяа мэдээллээ.
А.Бямбасүрэн
