Ulaanbaatar
УВС: Иргэд аймгийнхаа 100 жилийн ойд нийт 13 тэрбум төгрөгийн хандив өргөжээ
ОРОН НУТГИЙН МЭДЭЭ | УВС
Улаангом, 2025 оны аравдугаар сарын 8 /МОНЦАМЭ/. Увс аймгийн 100 жилийн ойгоор бэлэн болон бэлэн бусаар 13.2 тэрбум төгрөгийн хандив цугласан байна. Мөн ойн баярт 180 мянга орчим зочин, аялагч жуулчин хүрэлцэн иржээ.
Ойн хүрээнд 3.8
тэрбум төгрөгийн бүтээн байгуулалт хийснээс 530 гаруй сая
төгрөгийн ажлыг иргэн, ААНБ-ын хандиваар өрнүүлсэн юм. Харин зарим хандивлагч 5.3 тэрбум төгрөгийн бүтээн байгуулалтыг өөрсдөө хийжээ. Түүнчлэн
Увс аймгийн 100 жилийн ойн хүрээнд улсын болон орон нутгийн төсвийн хөрөнгө оруулалтаар хийсэн ажилд энэ оны сүүлээр аудитын шалгалт хийхээр төлөвлөж байна.
