Ulaanbaatar
ДОРНОГОВЬ: Ирж яваа цагийн өнгө
ОРОН НУТГИЙН МЭДЭЭ | ДОРНОГОВЬ
Сайншанд, 2025 оны нэгдүгээр сарын 29 /МОНЦАМЭ/. Дорноговь аймгийн төв Сайншанд сумаас баруун хойш 70 гаруй км-т Олдохын тал хэмээх мал бэлчээрлэхэд таатай нутаг байдаг.
Энд тус аймгийн Сайхандулаан, Айраг сумын малчид нутагладаг. Өвлийн хүйтэн өдрүүд шувтарч ирж яваа цагийн өнгийг дуудаж Олдохын талд шинэ төл мэндэлжээ. Хэдхэн хоногийн өмнө орсон цаснаар хар халзан хонь хургалж шар халзан хурга гаргасан байна. Эх нь жилбэ сайтай тул хурга ч товир гарчээ.
Дорноговь аймгийн нутгаар энэ жил цас багатай, бэлчээр
хүрэлцээтэй, дулаан сайхан өвөл болж байна. Тус аймаг өнгөрсөн жил 1.4 сая
толгой мал тоолуулсан нь өмнөх оныхоос 800 орчмоор буурсан юм. Харин 660 орчим
мянган толгой хонь буйгаас тал орчим нь төллөнө.
