Ulaanbaatar
ГОВЬ-АЛТАЙ: Есөнбулаг сумын Засаг даргаар Н.Золжаргалыг томиллоо
ОРОН НУТГИЙН МЭДЭЭ | ГОВЬ-АЛТАЙ
Говь-Алтай, 2024 оны 11 дүгээр сарын 19 /МОНЦАМЭ/. Говь-Алтай аймгийн Засаг даргын захирамжаар Есөнбулаг сумын Засаг даргаар Н.Золжаргалыг томиллоо.
Есөнбулаг сумын ИТХ-ын анхдугаар хуралдаанаар нийт төлөөлөгчийн 78,5 хувийн саналаар Намсрайн Золжаргалыг сумын Засаг даргаар нэр дэвшүүлж, аймгийн Засаг даргад уламжилсан билээ.
Авлигатай тэмцэх газрын 05/18533 дугаар албан бичгээр ашиг сонирхлын зөрчил үүсэх нөхцөл байдал тогтоогдоогүй тул аймгийн Засаг даргын 2024 оны 11 дүгээр сарын 18-ны өдрийн Б/90 дүгээр захирамжаар Есөнбулаг сумын Засаг даргаар Намсрайн Золжаргалыг томиллоо.
Н.Золжаргал нь багш-архивч мэргэжилтэй, 2015-2020 онд Есөнбулаг сумын Оргил багийн Засаг дарга, 2020-2024 онд сумын Засаг даргын орлогчоор тус тус ажиллаж байсан юм.
