Ulaanbaatar
ӨНӨӨДӨР: “Монгол марк-100” үзэсгэлэн нээгдэнэ
МОНГОЛЫН МЭДЭЭ | НИЙГЭМ
Улаанбаатар, 2024 оны аравдугаар сарын 25 /МОНЦАМЭ/. Аравдугаар сарын 25-ны баасан гарагт болох зарим үйл явдлын тойм:
09:00-10:00 цагт: Монгол Улсад
Авто замын салбар үүсэж хөгжсөний 95 жилийн ойн баярын үйл ажиллагаа болно.
- Д.Сүхбаатарын
талбайд байрлах авто замын “Эхлэл
цэг”-т хүндэтгэл үзүүлнэ.
- Баярын хурал “Корпорэйт “зочид буудалд болж, салбарын шилдэг ажилчдад шагнал гардуулна.
09:00-17:00 цагт: “Новотел”-д:
Монголын Ашигт малтмал баяжуулагчдын холбооноос зохион байгуулж ирсэн “Эрдэс
боловсруулалт-2024” олон улсын эрдэм шинжилгээ, онол практикийн бага хурал болно.
10:30 цагт: “Ибис” зочид буудалд: “Аялал жуулчлалын АЙ ТИ ЭМ Монгол-2024” үзэсгэлэн "Мишээл Экспо"-д нээгдэх талаар хэвлэлийн хуралтай. Утас: 9910-9816.
10:00 цагт: УИХ-ын чуулганы нэгдсэн хуралдаан болно.
10:30 цагт: Монгол Улсын Ерөнхий сайд Л.Оюун-Эрдэнэ УИХ-ын чуулганы нэгдсэн хуралдаанд “Шинэ сэргэлтийн бодлого”-д тусгасан Боомтын сэргэлтийн бодлогын хэрэгжилтийн талаар мэдээлнэ.
11:00 цагт: ШУА-д: Цөмийн
туршилтыг бүрэн хориглох гэрээний байгууллагын гүйцэтгэх нарийн бичгийн дарга
Роберт Флойд ШУА-ийн Одон орон, геофизикийн хүрээлэнд зочилж, ШУА-ийн судлаач
эрдэмтэдтэй уулзаж, илтгэл тавина.
11:00 цагт: МҮЭХ-ны төв байранд: Эрчим хүчний үнийн талаар мэдээлэл хийж, шаардлага танилцуулна.
11:30 цагт: “ЗМ”-ний мэдээллийн төвд: “Хөгжлийн төлөө барилгачдын нэгдэл” ТББ-аас барилгын ажилтны тарифт цалингийн зөрүүний төсвийг 2025 онд төсөвт тусгах талаар УИХ, Засгийн газарт шаардлага хүргүүлэх талаар мэдээлнэ. Утас: 9979-0206, 8019-0070.
12:00 цагт: Байгалийн түүхийн музейд: Монголын Филателийн холбооноос “Монгол марк-100” үзэсгэлэнг нээнэ.
15:30 цагт: Мал эмнэлгийн ерөнхий газраас цаг үеийн асуудлаар мэдээлэл хийнэ. Утас: 8888-5962.
-ХААН галерейд: Монголын нэрт сюрреалист уран бүтээлч, Соёлын гавьяат зүтгэлтэн Ц.Энхжаргал болон түүний шавь У.Батцоож нарын хамтарсан “Завсрын ертөнц” үзэсгэлэн нээгдлээ.
