Ulaanbaatar
ӨМНӨГОВЬ: Орон нутагт дутагдалтай байгаа мэргэжлээр оюутнуудыг дэмжин сургана
ОРОН НУТГИЙН МЭДЭЭ | ӨМНӨГОВЬ
Даланзадгад, 2024 оны наймдугаар сарын 29 /МОНЦАМЭ/. 2024-2025 оны хичээлийн жилд Өмнөговь аймгийн хэмжээнд дутагдалтай байгаа 6 салбарын 35 мэргэжлээр 64 оюутныг тэтгэлэгт хөтөлбөрт хамрууллаа.
Өмнөговь аймгийг
хөгжүүлэх "Нутгийн хишиг" хөтөлбөрийн хүрээнд орон нутагт дутагдалтай
мэргэжлээр суралцагч оюутны тэтгэлэгт хөтөлбөрийг үргэлжлүүлэн хэрэгжүүлж байна.
2021-2024 оны хугацаанд 700 гаруй оюутан тэтгэлэгт хамрагдаж, өнөөдрийн
байдлаар 12 салбарын 43 мэргэжлээр 102 оюутан төгсөж, 70-80 хувь нь орон
нутагтаа ирж ажиллаж байгаа нь тус үйл ажиллагааны үр дүн гарч байгаа юм.
