Ulaanbaatar
ДОРНОГОВЬ: Ихэнх нутгаар цас орно
ОРОН НУТГИЙН МЭДЭЭ | ДОРНОГОВЬ
Сайншанд, 2024 оны хоёрдугаар сарын 13 /МОНЦАМЭ/. Луу жилийн хаврын тэргүүн сар гарсан энэ өдрүүдэд Дорноговийн нутгаар цаг агаар тогтворгүй бөгөөд салхи шуургатай өдрүүд үргэлжлэхийг аймгийн Ус цаг уур, орчны шинжилгээний төвөөс мэдээллээ.
Хоёрдугаар сарын 13-нд зарим газраар, 18-нд ихэнх нутгаар цас орох аж. Ихэнх хугацаанд цаг агаар тогтворгүй байх бөгөөд салхи секундэд 8-13 метр, 15,17,18-нд зарим үед секундэд 14-16 метр хүрч, цасан болон явган шуурга шуурахыг анхаарууллаа. Агаарын температур 13,14-нд шөнөдөө 19-24 хэм, өдөртөө 10-15 хэм хүйтэн байх аж.
