Ulaanbaatar
БАЯН-ӨЛГИЙ: Академич А.Мекейн нэрэмжит олимпиадад Увс аймгийн баг тэргүүлэв
ОРОН НУТГИЙН МЭДЭЭ | БАЯН-ӨЛГИЙ
Өлгий, 2023 оны аравдугаар сарын 23 /МОНЦАМЭ/. Монгол Улсын Ардын багш, доктор, профессор, академич Абишийн Мекейн нэрэмжит математикийн ІХ олимпиадыг Өлгий хотод энэ сарын 21, 22-ны өдрүүдэд зохион байгууллаа.
Өнгөрсөн оноос нээлттэй хэлбэрээр зохион байгуулж буй тус олимпиадад Улаанбаатар хотоос 1, Ховд аймгаас 3, Увс аймгаас 3, Баянхонгор аймгаас 2, Өвөрхангай аймгаас 1, зохион байгуулагч Баян-Өлгий аймгаас 19 баг, нийтдээ 341 багш, сурагч оролцож оюун ухаанаа сорин өрсөлдлөө.
Олимпиадын нийлбэр дүнгээр Увс аймгийн I дүгээр сургуулийн баг тэргүүн байр
эзэлж 2,5 сая төгрөгөөр шагнуулав.
Мөн хоёрдугаар байрт орсон Баянхонгор аймгийн "Төгс Алгоритм" сургуулийн багийг 2 сая, гуравдугаар байрт орсон Баян-Өлгий аймгийн I дүгээр багийг 1,5 сая төгрөгөөр тус тус урамшууллаа.
Энэ жил ес дэх удаагаа зохион байгуулсан тус олимпиадыг "Туран ворлд"
компани, "Фаст" академи, Баян-Өлгий аймгийн ЗДТГ, Боловсрол, шинжлэх ухааны
газар, "Эрчимбаян Өлгий" компани, "Аltai expeditions" компани, R3 математикийн
төв, "Мекей сан" зэрэг байгууллагууд ивээн тэтгэсэн ажээ.
