Ulaanbaatar
БУЛГАН: Номд дурлагсад цуглах газартай боллоо
ОРОН НУТГИЙН МЭДЭЭ | БУЛГАН
Булган, 2023 оны аравдугаар сарын 18 /МОНЦАМЭ/. Булган хот хүүхэд, залуучууд чөлөөт цагаа тав тухтай өнгөрүүлэх "Өглөөнинг" BookCafe-тай боллоо.
"Алсын хараа-2050” Монгол Улсын урт хугацааны хөгжлийн бодлогын эхний үе шат “Шинэ сэргэлтийн бодлого”-ыг хэрэгжүүлэх хүрээнд 21 аймаг, 9 дүүргийн дунд зохион байгуулсан төслийн уралдаанд Булган аймгийн залуусын хамтарсан “Булган манлайлал шийдэл” ТББ-ийн “Өглөөнинг” төсөл шалгарсан байна.
Энэхүү
төслийн эхний үе шат болох өсвөр насны охидыг чадавхжуулах “Менторшип” хөтөлбөр
амжилттай хэрэгжиж дууслаа.
Төслийн 2 дахь шат болох өсвөр үе залуусын чөлөөт цагийг зөв боловсон өнгөрүүлэх зорилготой BookCafe-н тохижилтын ажил үргэлжилж байна.
Залуусын эхлүүлсэн ажил үйлчилгээг дэмжин ном хандивлах, хамтран ажиллахыг уриалсан байна.
