Ulaanbaatar
Хамгийн эртний өвсөн тэжээлт үлэг гүрвэлийн чулуужсан үлдэгдэл олджээ
ДЭЛХИЙН МЭДЭЭ | ШИНЖЛЭХ УХААН
ШИНЭ ДЕЛИ./PTI/. Энэтхэгийн “IIT-Roorkee” технологийн хүрээлэн болон Геологийн албаны (GSI) эрдэмтэд Ражастан мужаас хамгийн эртний өвсөн тэжээлт үлэг гүрвэлийн чулуужсан үлдэгдлийг олжээ.
Ойролцоогоор 167 орчим сая жилийн өмнө
амьдарч байсан үлэг гүрвэлийн энэхүү шинэ төрлийг уг олдворыг олсон баруун Тар цөлийн болон улсын нэрээр “Tharosaurus Indicus” гэж нэрлэсэн байна.
Энэтхэгийн
эрдэмтэд Ражастан мужийн Жайсалмер хотын ойролцоо дөрвөн жил орчим малталт хийж,
үлэг гүрвэлийн нуруу, хүзүү, их бие, хавирга, сүүлний ясыг олжээ.
Үлэг гүрвэлийн энэ
шинэ зүйл нь дикреозаврид (Dicraeosaurid) овогт хамаарах бөгөөд энэ төрлийн үлэг
гүрвэлүүд нь Юрийн галавын дунд үед амьдарч байжээ. Тэдгээр нь урт хүзүү, жижиг толгой, урт сүүлтэй мөн зааныхтай төстэй бүдүүн хөлтэй гэдгээрээ онцлог.
