Хэрэглээний бараа, үйлчилгээний үнийн түвшин 11.3 хувьтай гарчээ

192@montsame.mn

2023-05-10 07:57:19

Улаанбаатар /МОНЦАМЭ/. Хэрэглээний бараа, үйлчилгээний үнийн түвшин энэ сарын 5-ны өдрийн байдлаар 11.3 хувьтай байна.

ҮСХ-ноос мэдээлж буйгаар, энэ нь өмнөх оны эцсээс 4.7 хувь, өмнөх сараас 1.3 хувиар буурсан үзүүлэлттэй гарчээ.

Өнгөрсөн 3 дугаар сард инфляцын түвшин нийслэлд 12.1 хувьтай, улсын хэмжээнд 12.2 хувьтай байв. Инфляцад:

Хүнсний бараа, ундаа, усны бүлгийн үнэ дүнгээрээ 17.0 хувь,
Согтууруулах ундаа, тамхины бүлгийн үнэ дүнгээрээ 8.1 хувь,
Хувцас, бөс бараа, гутлын бүлгийн үнэ дүнгээрээ 13.2 хувь,
Орон сууц, ус, цахилгаан, хийн болон бусад түлшний бүлгийн үнэ дүнгээрээ 6.7 хувь,
Гэр ахуйн тавилга, гэр ахуйн барааны бүлгийн үнэ дүнгээрээ 13.0 хувь,
Эм тариа, эмнэлгийн үйлчилгээний бүлгийн үнэ дүнгээрээ 6.7 хувь,
Тээврийн бүлгийн үнэ дүнгээрээ 4.0 хувь,
Зочид буудал, нийтийн хоол, дотуур байрны үйлчилгээний бүлгийн үнэ 24.0 хувиар өссөн дүнтэй байна.