Ulaanbaatar
С.Мойлтмаа зэвсэгт мөргөлдөөнтэй бүс нутгаас гарч, эх орондоо ирэв
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Судан Улсад түр томилолтоор ажиллаж байсан "UNICEF Mongolia" байгууллагын ажилтан С.Мойлтмаа өнөө өглөө "Чингис хаан" олон улсын нисэх онгоцны буудалд газардсан байна.
Түүнийг гэр бүлийнхэн нь болон НҮБ-ын Монгол дахь Суурин зохицуулагч Тапан Мишра, НҮБ-ын Хүүхдийн сангийн төлөөлөгч Эваристе Коуасси-Комлан нар угтан авчээ. Түүнчлэн зэвсэгт мөргөлдөөнтэй бүс нутгаас эсэн мэнд эх орондоо эргэж ирсэнд Монгол дахь НҮБ-ын хамт олон баяртай байгаагаа илэрхийлсэн аж.
Зэвсэгт мөргөлдөөний халуун цэгээс аюулгүй газарт шилжүүлэхэд болон бусад талаар НҮБ болон Гадаад харилцааны яам, Батлан хамгаалах яам тус тус дэмжлэг үзүүлж ажиллажээ.
