Ulaanbaatar
БЕГ: Хичээлийн жилийн бүтцэд өөрчлөлт оруулаагүй
МОНГОЛЫН МЭДЭЭ | БОЛОВСРОЛ
Улаанбаатар /МОНЦАМЭ/. БСШУС-ын сайдын 2020 оны А/244 дүгээр тушаалаар хичээлийн жилийн бүтцэд өөрчлөлт оруулан баталж, тухайн бүтцийг өмчийн бүх хэлбэрийн ерөнхий боловсролын сургууль 2020-2021 оны хичээлийн жилээс мөрдөж буй.
“Өвөл
хүйтний эрч чангарсан үед томуу, томуу төст өвчин ихээр дэлгэрдгээс карантин
тогтоох, малчдын хүүхдүүд цаг агаарын хүндрэлтэй нөхцөлд ар гэртээ туслахаар
явах зэргээс шалтгаалж хичээл тасалдах, хичээлийн жилийн төгсгөл буюу 6 дугаар
сарын сүүлчээр иргэд гэр бүлээрээ амарч заншсанаас сурагчдын ирц бүрдэхгүй байх”
зэрэг асуудлыг эцэг эх, олон нийт, боловсролын салбарын багш, ажилтан
сурагчдаас авсан хэд хэдэн удаагийн санал асуулгад хөндсөн тул хичээлийн жилийн
бүтцийг Боловсролын хүрээлэн, БСШУС-ын яам хамтран боловсруулж, баталсан болно.
Өөрөөр хэлбэл хичээлийн жилийн бүтцэд энэ жил гэнэт өөрчлөлт оруулсан зүйлгүй
юм.
Нэгдүгээр улирлын 8 эсвэл 9 дэх долоо хоногт сургуулиуд хичээлийн агуулгаа тохируулж урлаг, соёл, спорт хүмүүжлийн зэрэг танхимын гадуурх сургалт зохион байгуулах замаар сурагчдын оюуны ачааллыг бууруулах арга хэмжээ авах боломжтой гэж Боловсролын ерөнхий газар мэдээлэв.
