БШУ-ы сайд Л.Энх-Амгалан Тайландын гүнжид бараалхав

boloroo8136@gmail.com

2022-06-09 10:53:56

Улаанбаатар /МОНЦАМЭ/. Боловсрол, шинжлэх ухааны сайд Л.Энх-Амгалан болон албаны бусад төлөөлөгчид энэ өдрүүдэд Тайланд улсад албан томилолтоор ажиллаж байна.

Тайланд улсад Ази номхон далайн бүсийн орнуудын боловсролын сайд нарын 2 дугаар бага хурал болж байгаа юм. Энэхүү хуралд оролцох үеэрээ боловсрол, шинжлэх ухааны сайд Л.Энх-Амгалан Тайландын Хаант Улсын Эрхэмсэг Гүнж Маха Чакри Сириндорнд бараалхлаа. Тайландын эрхэмсэг гүнж 2007 онд Монгол Улсад айлчлах үеэрээ өөрийн санаачилсан сурагчдын хоолны чанар, шим тэжээл, эрүүл бүтээгдэхүүнээр хангах бичил тогтолцоог бүрдүүлэх төслийг эхлүүлж байсан юм. Төслийг Төв аймгийн Алтанбулаг, Баян, Бүрэн, Дундговь аймгийн Эрдэнэдалай, Сүхбаатар аймгийн Уулбаян сумын ерөнхий боловсролын сургуулиудад 2009-2016 онд хэрэгжүүлсэн.

Монгол Улсад өнөөдрийн байдлаар 358 мянган суралцагч “Үдийн хоол” хөтөлбөрт хамрагдаж байна. Цаашид гүнжийн санаачилсан “Туслах аж ахуйд суурилсан сургуулийн үдийн хоолыг хөгжүүлэх нь” төслийг улам өргөжүүлж, хэрэгжүүлэх саналыг Боловсрол, шинжлэх ухааны сайд хэллээ. Уулзалтын үеэр сургалтын хэрэглэгдэхүүн, анагаах ухааны чиглэлээр оюутан солилцох, түүхийн олдворын судалгаа зэрэг асуудлаар харилцан санал солилцлоо гэж БШУЯ мэдээлэв.

БШУ-ы сайд Л.Энх-Амгалан Тайландын гүнжид бараалхав

相关新闻

Бруно де Никола: Монголын түүхийг судлахад эмэгтэйчүүд, хатдын түүхийг орхигдуулж огт болохгүй

“Тэмдэглэл хөтлөгч”-ийн үйлчилгээг их дээд сургуулиудад хэрэгжүүлжээ

"Монгол Улсын Үндсэн хуулийн эрх зүй" ном уншигчдын хүртээл болов

Сургууль, цэцэрлэгийн хоол үйлдвэрлэлд эрүүл ахуйн шалгалт хийжээ

Орчуулагч, хэлмэрчийн зэрэг тогтоох шалгалтын тов гарчээ

Хөгжлийн онцлогтой хүүхэдтэй ажиллах багш нарыг чадавхжуулж байна

Эрхэмсэг гүнж Маха Чакригийн нэрэмжит шагналыг анх удаа Монгол багшид олгоно

Азийн физикийн XXV олимпиадаас Монголын баг 7 медаль хүртлээ

Монгол хэл бичгийн шалгалтын дүнг зарлалаа

跟著我們

访问次数