Ulaanbaatar
БНСУ-д нэг өдөрт халдварын 50 мянга гаруй тохиолдол бүртгэгджээ
ДЭЛХИЙН МЭДЭЭ | ЭРҮҮЛ МЭНД
СӨҮЛ. /Yonhap/. Өнгөрсөн 24 цагийн
хугацаанд БНСУ-д шинээр коронавирусний халдвар авсан 54 мянга 122 тохиолдол
бүртгэгдэж, нийт халдварын тохиолдол 1 сая 185 мянгад хүрсэн талаар тус улсын
Цар тахлаас урьдчилан сэргийлэх, хянах төв штабаас мэдээлэв.
Энэ нь цар тахал дэгдсэн
цагаас хойш нэг өдөрт бүртгэгдсэн халдварын тоо анх удаагаа 50 мянгыг
давсан тохиолдол болжээ.
Омикрон хувилбарын халдварлах
чадвар өндөр байдал болон сар шинийн баярын үеэр иргэдийн хөдөлгөөн нэмэгдсэн
зэрэг шалтгааны улмаас нэг өдөрт халдвар авагсдын тоо хоёр дахин
нэмэгдсэн байна.
Зарим мэргэжилтнүүдийн үзэж буйгаар ирэх сарын эхээр нэг өдөрт бүртгэгдэх халдварын тоо 360 мянгад хүрч магадгүй аж.
