Ulaanbaatar
Улаанбаатар-Сайншанд чиглэлийн зорчигч тээврийн галт тэрэг удахгүй зорчиж эхэлнэ
ОРОН НУТГИЙН МЭДЭЭ | ДОРНОГОВЬ
Дорноговь /МОНЦАМЭ/.“Ковид-19” цар тахлаас үүдэж Дорноговь аймагт суудлын галт тэргийг одоог хүртэл явуулаагүй хэвээр байна.
Энэ оны 12 дугаар сарын 2-нд хуралдсан аймгийн ИТХ-ын хуралдааны үеэр Улаанбаатар-Сайншанд чиглэлийн зорчигч тээврийн галт тэрэг хэзээ зорчиж эхлэх талаар төлөөлөгчид аймгийн Засаг даргад асуулга тавьсан юм.
Харин аймгийн Засаг даргын мэдэгдсэнээр суудлын галт тэрэг явуулах саналыг УБТЗ-ын удирдлагад тавьсан бөгөөд 12 дугаар сарын 5-наас хойш суудлын галт тэрэг зорчиж эхлэх боломжтой хэмээн онцолсон.
”Ковид-19” цар тахлаас урьдчилан сэргийлэх
зорилгоор суудлын галт тэрэгний хөдөлгөөнийг зогсоогоод удаж байгаа юм.
