Ulaanbaatar
Их аварга Тэрүнофүжи, озэки Такакэйшо нар 8 даваатай башёг тэргүүлж байна
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Японы Фүкүока Кокүсаи төвд болж байгаа мэргэжлийн сумо бөхийн Кюүшү башёгийн 8 дахь өдрийн барилдаанд 73 дахь Их аварга Тэрүнофүжи Г.Ган-Эрдэнэ, Эндо /М-4/-той учраа таарч түүнийг ошидаши мэхээр хаяж 8 даваатай башёг тэргүүлж байна.
Энэ өдөр Комүсүби
Ичиножёо А.Ичинноров, Озэки Такакэйшотой таарч барилдан түүнд хансокү мэхээр
унаснаар 3 даваа, 5 унаатай байгаа бол Такакейшо 8 даваатай Их аваргын хамт
башёг тэргүүлж явна.
Комүсүби Кирибаяама Б.Лхагвасүрэн, Дайэйшо /М-1/-той барилдан түүнийг цүкиотоши мэхээр хаяж 2 даваа, 6 унаатай болсон бол Хошёорюү С.Бямбасүрэн /М-5/, Оношо /М-2/-той хүч үзэж түүнийг катасүкаши мэхээр давснаар түүний унаа, даваа адилхан 4 болов.
Тамаваши Б.Мөнх-Оргил
/М-6/, Тобизарюү /М-8/-тэй учраа таарч түүнд кэкаеши мэхээр ойчиж 2 унаа, 6
даваатай башёг үргэлжлүүлж байна. Харин Чиёошома Г.Мөнхсайхан /М-7/, Такаясү
/М-5/-тэй барилдаж, түүнд ёрикири мэхээр ойчиж 4 даваа, 4 унаатай болов.
Озэки Шодай, Миёогирюү /М-3/-тэй
таарч барилдан, түүнийг цүкиотоши мэхээр давж 5 даваа 3 унаатай башёг
үргэлжлүүлж байна.
Харин Сэкивакэ
Митакэүми, Окиноүми /М-3/-тэй барилдана түүнийг ёрикири мэхээр давснаар 7
даваа, 1 унаатай байгаа бол Сэкиваке Мэисэй, Такарафүжи /М-4/-г ёритаоши мэхээр
хаяж 4 даваа, 4 унаатай боллоо.
