Ulaanbaatar
Ким Жөн Ун сар гаруйн дараа олны өмнө гарч иржээ
ДЭЛХИЙН МЭДЭЭ | УЛС ТӨР
ПЁНЬЯН. /Arirang/.
БНАСАУ-ын удирдагч Ким Жөн Ун бүтээн
байгуулалтын томоохон ажил явагдаж буй баруун хойд нутгийн Самжиён хотод зочилжээ.
Тэрбээр сүүлийн сар гаруйн хугацаанд анх удаа олны өмнө гарч ирж буй нь энэ юм.
Энэхүү нутаг нь БНАСАУ-ын
удирдагч агсан Ким Жөн Ирийн мэндэлсэн газар бөгөөд Самжиён хотыг хөгжүүлэх нь Ким
Жөн Уны гол төслүүдийн нэгд тооцогдсоор иржээ.
БНАСАУ-ын төрийн
өмчит хэвлэл мэдээллийн хэрэгслийн мэдээлснээр, Ким Жөн Ун төслийг хэрэгжүүлэхэд
гар бие оролцож буй хүмүүсийн хүчин чармайлтыг өндрөөр үнэлээд, бүтээн
байгуулалтын ажил энэ онд дуусна гэдгийг мэдэгдсэн байна.
БНСУ-ын Үндэстнээ
нэгтгэх яамны хувьд энэхүү үйл явдлыг эдийн засгийн хөгжлийн таван жилийн
төлөвлөгөөний эхний жил дуусахаас өмнө, мөн Ким Жөн Ун төрийн эрхэнд гарсны 10
жилийн ойг тохиолдуулан өнгөрсөн хугацаанд гаргасан ололт амжилтаа харуулах арга зам
хэмээн тодорхойлжээ.
