Ulaanbaatar
“Атлетик 220” клуб дээд лигийн хошой аварга боллоо
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Монголын хөлбөмбөгийн холбооны "Hisense" үндэсний дээд лигийн сүүлийн буюу 18 дугаар тойргийн тоглолтууд ням гарагт боллоо.
"Hisense" Үндэсний дээд лигийн шударга тоглолттой багаар "УБ-ын мазаалайнууд" клуб тодорч, шилдэг туслах шүүгчээр МХБХ-ны "A" зэрэглэлийн шүүгч Г.Сүх-Эрдэнэ, шилдэг шүүгчээр ОУХБХ болон МХБХ-ны "A" зэрэглэлийн шүүгч Б.Хаш-Эрдэнэ нар шалгарсан бол "Hisense" Үндэсний дээд лигийн шилдэг хаалгачаар "Улаанбаатар" клубийн А.Сайханчулуун /18 тоглолт, 8 тоглолтод хаалгаа хуурай манасан/ шалгарлаа.
"Hisense" Үндэсний дээд лигийн шилдэг хамгаалагчаар "Дэрэн" клубийн хамгаалагч
О.Мөнх-Оргил /17 тоглолт, 2 гоол, 1 гоолын дамжуулалтаар/, шилдэг хагас хамгаалагчаар "Атлетик 220"
клубийн хагас хамгаалагч А.Тэмүүжин /16 тоглолт, 4 гоол, 10 гоолын дамжуулалтаар/, шилдэг довтлогчоор
"Би Си Эйч Лионс" клубийн довтлогч Мисава Тэцүваки /16 тоглолт, 17
гоол, 5 гоолын дамжуулалтаар/ тус тус тодорлоо.
"Hisense" Үндэсний дээд лигийн аварга Атлетик 220 клубийн баг тамирчид Дээд Лигийн аваргаар 2 жил дараалан тодорсон бол Дэрэн клуб дэд аварга болж, СП Фалконс клуб хүрэл медальт багаар шалгарлаа.
