Ulaanbaatar
Гурван сурагч 500 мянган төгрөгийн урамшууллын болзол хангаад байна
ОРОН НУТГИЙН МЭДЭЭ | БАЯН-ӨЛГИЙ
Баян-Өлгий /МОНЦАМЭ/. Баян-Өлгий
аймгийн ИТХ-ын 2021 оны ээлжит ІІІ хуралдаанаар "Элсэлтийн
ерөнхий шалгалтын үр дүнг дээшлүүлэх дэд хөтөлбөр ІІ"-ийг баталсан.
Тус хөтөлбөрийн дагуу ЭЕШ-аас 750-800
оноо авсан сурагчийг 500 мянган төгрөгөөр, харин бэлтгэсэн сурагч нь 800 оноо
авсан багшийг 1 сая, 750-799 оноо авбал сурагч тус бүрээр 300 мянган
төгрөгөөр тооцож урамшуулахаар журамласан.
Өчигдөр сурагчид Монголын түүх,
англи хэл хичээлээр шалгалт өгсөн. Боловсролын үнэлгээний төвөөс гаргасан дүн
мэдээгээр тус аймгийн 3 сурагч дээрх мөнгөн урамшууллын болзлыг хангаад байна.
Тодруулж хэлбэл, англи хэлний хичээлээр Даргерийн Багдаулет
800 оноо, Серикийн Лашын 776 оноо, Хайрым Анжела 756
оноо тус тус аваад байна. Харин Монголын түүх хичээлээр 750 онооны босго давсан
сурагч байхгүй байна.
