Ulaanbaatar
Сүүлийн 24 цагт халдварын 20 тохиолдол нэмэгджээ
ОРОН НУТГИЙН МЭДЭЭ | ДУНДГОВЬ
Дундговь /МОНЦАМЭ/. Дундговь аймгийн Шуурхай штабаас мэдээлснээр тус аймагт
сүүлийн 24 цагт коронавирусний халдварын 20 тохиолдол нэмэгдэж, халдвар авсан
хүний тоо 1658 боллоо.
Наймдугаар сарын 19-нд нэг хүн нас барж, ковидаар нас
барсан хүний тоо 7 болжээ.
Халдвар Сайнцагаан суманд голомтлон гарч, зарим сумдад 1-4
тохиолдлоор нэмэгдэж байгаа ба сүүлийн 24 цагт 33 хүн эдгэрч, гэрийн ажиглалтад
шилжсэн байна.
Өнөөдрийн байдлаар тусгаарлах эмнэлэгт 199 хүн хэвтэн
эмчлүүлж байгаас нэг хүний биеийн байдал маш хүнд, 3 хүний биеийн байдал хүнд,
хүндэвтэр гэсэн оноштой 15 хүн байна.
Сүүлийн 24 цагт ойрын болон дам хавьтлын 14 хүнээс PCR,
228 хүнээс түргэвчилсэн шинжилгээ авчээ. Гэрийн ажиглалтад 467, тусгаарлах
байранд 2 хүн байна.
