Ulaanbaatar
Луус суманд 24 мал шүлхий өвчнөөр өвчилжээ
ОРОН НУТГИЙН МЭДЭЭ | ДУНДГОВЬ
Дундговь /МОНЦАМЭ/. Дундговь аймгийн Луус сумын Суварга баг, Эрдэнэдалай сумын
гурван багт малын гоц халдварт шүлхий өвчин гарч, дээрх багуудад хорио цээрийн
дэглэм тогтоогоод байгаа юм.
Луус сумын хорио
цээрийн дэглэм тогтоосон голомтод 11 малчин өрхийн 6000 гаруй мал байгаа бөгөөд
дөрвөн үхэр, 20 хонь, ямаа өвчилжээ.
Одоогийн
байдлаар дээрх өрхүүдийн 5283 мал дархлаажуулалтын вакцинд
хамруулж, 4662 малд ариутгал халдваргүйжүүлэлт хийж, голомтыг
тойрсон дөрвөн постонд төрийн албан хаагчид, дөрвөн багийн малын эмч үүрэг гүйцэтгэж
байна. Мөн ариутгалын цэг ажиллаж
байгаа аж.
