Ulaanbaatar
Бороо үргэлжлэн орох тул үер усны аюулаас сэрэмжтэй байхыг анхаарууллаа
ОРОН НУТГИЙН МЭДЭЭ | ХОВД
Ховд /МОНЦАМЭ/. Ховд аймгийн нийт нутгаар энэ сарын 15-16-нд бороо орж, хамгийн их тунадас Мөст, Цэцэг, Дуут, Дарви сумын нутгаар 14.0-17.0 мм байлаа.
Харин хамгийн бага
тунадас Дөргөн сумын нутгаар 0.8 мм, бусад сумын нутгаар 1.0-9.0 мм
тунадас оржээ.
Цаашид мөн нийт нутгаар бороо үргэлжлэн орох төлөвтэй байна. Өөрөөр хэлбэл, наймдугаар сарын 17-нд нийт нутгаар, 18-нд зарим газраар, 20-нд нутгийн хойд хэсгээр бороо орох тул газар тариалан эрхлэгчид, хадланчид, иргэдийг болзошгүй үер усны аюулаас сэрэмжтэй байхыг Ховд аймгийн УЦУОШТ-өөс анхаарууллаа.
