Ulaanbaatar
Д.Гантулгыг “Алтан-Од”-оор шагналаа
ОРОН НУТГИЙН МЭДЭЭ | ХӨВСГӨЛ
Хөвсгөл /МОНЦАМЭ/. Хөвсгөлөөс Улаанбаатар хүртэл 800 км гүйж, Сүхбаатарын талбайд бариагаа хийсэн залуу гүйгч Д.Гантулгыг БТСУХ-ны "Алтан-Од"-оор шагналаа. Шагналыг БТБХХ-ийн дарга О.Баасан гардуулж, баяр хүргэсэн юм. Д.Гантулга нь 6 дугаар сарын 13-нд Хөвсгөлөөс гарч өдөрт 50 км гүйсээр 16 дахь хоног дээрээ Улаанбаатар хот орсон юм. Тэрээр энэхүү гүйлтээ ахмад гүйгч Б.Болдбаатараас анх санаа авч, эхлүүлсэн бөгөөд цаашид хэт холын марафон гүйлтийн спортоор хичээллэн, уралдаан тэмцээнд оролцохоор төлөвлөж байгаа аж.
