Ulaanbaatar
“Дэлхийн мөнгөний долоо хоног-2021” аяны нээлт боллоо
ОРОН НУТГИЙН МЭДЭЭ | ДУНДГОВЬ
Дундговь /МОНЦАМЭ/. Эдийн засгийн хамтын ажиллагаа, хөгжлийн байгууллагын
Санхүүгийн боловсролын олон улсын сүлжээ (OECD/INFE)-ээс зохион байгуулдаг
“Дэлхийн мөнгөний долоо хоног-2021” аяны нээлтийг Дундговь аймагт зохион
байгууллаа.
Монгол банкны Дундговь аймаг дахь салбараас санаачлан зохион
байгуулсан нээлтийн үйл ажиллагаанд ХААН, Хас, Төрийн банк, Монголын
эмэгтэйчүүдийн холбооны салбар, ГБХЗХГ, БШУЯ-ны харъяа Насан туршийн
боловсролын төвийн төлөөлөл оролцжээ.
Тус аян 2021 оны 3 дугаар сарын 22-ноос
дөрөвдүгээр сарын 12 хүртэл үргэлжлэх ба "Суралц-Хуримтлуул-Өсгө" уриан дор иргэд,
хүүхэд залуучуудад санхүүгийн мэдлэг, мэдээлэл олгох, улмаар санхүүгийн
салбарын үйл ажиллагааг олон нийтэд танилцуулах, мөнгөө зөв удирдах, хуримтлал
үүсгэх сургалт, сурталчилгааны ажлыг зохион байгуулах ажээ.
