Ulaanbaatar
Хүчит тэжээлийн 50 орчим хувийг татан авчээ
ОРОН НУТГИЙН МЭДЭЭ | ДУНДГОВЬ
Дундговь /МОНЦАМЭ/. Дундговь аймаг “Мал аж ахуйн эдийн засгийн эргэлтийг нэмэгдүүлэх төсөл”-ийн хүрээнд “Мэнд” хүчит тэжээлийн 50 орчим хувийг татан авч, малчдадаа хүргүүлж байна.
Тодруулбал, хоёрдугаар сарын байдлаар 936,0 тн тэжээлийг татан
авч, Эрдэнэдалай, Луус, Хулд, Дэлгэрхангай, Сайнцагаан, Сайхан-Овоо, Адаацаг,
Дэрэн, Дэлгэрцогт суманд хуваарилан малчдад тараажээ.
Мөн Говьсүмбэр аймгийн Баянтал суманд ХХААГ-ын даргаар
ахлуулсан ажлын баг гарч, Баянтал сумын зэргэлдээ аймгуудад оторлож байгаа малчдад
136,0т н хүчит тэжээлийг тарааж өгөөд байна.
Дээрх тусламжийн хүрээнд тус аймгийн хэмжээнд нийт 1800 гаруй
тонн тэжээл татан авахаас одоогоор 50 орчим хувийг нь татан аваад байгаа ба үлдэгдэл
тэжээлийг яаралтай авах хүсэлтээ аймгийн ХХААГ-аас харъяа яамандаа
хүргүүлсэн ажээ.
