Ulaanbaatar
Зөгийн балыг эмчилгээний зориулалтаар хэрхэн хэрэглэх сургалт болов
МОНГОЛЫН МЭДЭЭ | УЛС ТӨРХХААЯ, ЭМСЯ-тай хамтран “Монголын Зөгийчдийн нийгэмлэг” ТББ-аас монгол хүний эрүүл мэндийн боловсролыг дээшлүүлэх, зөгийн балны зохистой хэрэглээг хэвшүүлэх, зөгийн бүтээгдэхүүнүүд болон балны ач тусыг ард иргэдэд ойлгуулан таниулах зорилгоор “Зөгийн балыг тогтмол хэрэглэе” боловсролын аяныг 6 дугаар сарын 1-нээс 8 дугаар сарын нэгний хооронд хэрэгжүүлж байна.
Энэхүү боловсролын аяныг УИХ-ын Тамгын газрын зүгээс дэмжин ажиллахаа илэрхийлсэн юм. Үүнтэй холбогдуулан “Монголын Зөгийчдийн нийгэмлэг” ТББ өнөөдөр Төрийн ордон дахь “В” танхимд УИХ-ын Тамгын газрын ажилтнуудад зориулж "Зөгийн балны хэрэглээний ач тус" сэдэвт эрүүл мэндийн боловсрол олгох сургалт зохион байгууллаа.
Сургалтыг “Монголын Зөгийчдийн нийгэмлэг” ТББ-ын Гүйцэтгэх захирал Т.Туяа, тус байгууллагын Сургалт, сурталчилгааны зөвлөх Б.Гансэлэм нар удирдан явуулж, зөгийн аж ахуй нь хүний биед зайлшгүй хэрэгцээт амин дэм, биологийн идэвхт бодисоор баялаг хүнсний чухал орлогдошгүй үнэ цэнт бүтээгдэхүүн үйлдвэрлэдэг төдийгүй хүний ямар нэгэн оролцоогүйгээр эко системийг бүрдүүлж, байгаль орчинд хамгийн эерэг нөлөө бүхий хөдөө аж ахуйн салбар юм гэж сургалтын эхэнд танилцуулсан юм.
Түүнчлэн зөгийн балан дахь эрдэс бодис, байгалийн ферментүүд мөн зөгийн балыг эмчилгээний зориулалтаар хэрхэн хэрэглэх талаар дэлгэрэнгүй мэдээлэл хийсэн юм.
