Ulaanbaatar
Хоёр дахь ээлжээр 160 хүн ирлээ
ОРОН НУТГИЙН МЭДЭЭ | СҮХБААТАР
Сүхбаатар /МОНЦАМЭ/. Сүхбаатар аймаг Улаанбаатар хотоос иргэдээ татан авах ажлыг хоёр дахь өдрөө амжилттай зохион байгууллаа. Энэ сарын 2-ны ээлжинд дөрвөн автобусаар нийт 160 хүн ирсэн бөгөөд ямар нэг зөрчил илрээгүй байна.
Угтан авах ажлыг
мэргэжлийн байгууллагууд хамтран халдвар хамгааллын өндөр дэглэм дор зохион
байгуулж байна. Иргэд ч зохион байгуулалтын ажилд сэтгэл хангалуун байгаагаа
хэлж байлаа.
Төлөвлөсөн ёсоор энэ
удаад мөн Баруун-Уртаас бусад сумын иргэдийг пост дээр буулган сум сумынх нь
тосон авах унаанд хүлээлгэн өгсөн. Харин Баруун-Урт сумын иргэд тухайн
автобустайгаа дотогш нэвтэрч тогтоосон цэгүүдэд бууж байгаа юм. Автобусыг ариутгаж халдваргүйжүүлэх ажлыг
аймгийн Мал эмнэлгийн газар зохион байгуулж байна.
