Ulaanbaatar
ДХБ: Дэлхийн худалдаа 9.2 хувиар буурах төлөвтэй байна
ДЭЛХИЙН МЭДЭЭ | ЭДИЙН ЗАСАГ
ЖЕНЕВ. /Reuters/.
Дэлхийн худалдаа энэ онд 9.2 хувиар
буурч, ирэх онд 7.2 хувиар өсөх төлөвтэй байна гэж Дэлхийн худалдааны
байгууллагаас /ДХБ/ мягмар гарагт танилцуулсан урьдчилан таамаглалд
тэмдэглэжээ.
ДХБ цар тахлын улмаас эдийн засгийн хэвийн үйл ажиллагаа тасалдсантай холбоотойгоор дэлхийн худалдаа 2020 онд 13-32 хувиар буурна хэмээн энэ оны дөрөвдүгээр сард таамагласан юм.
“Дэлхийн худалдаа
“COVID-19”-өөс үүдэлтэй
хямралаас эргэн сэргэх хандлага үзүүлж байна” гэж ДХБ-ын эдийн засагчид мягмар гарагт болсон хэвлэлийн бага хурлын үеэр хэлээд, энэ оны 6, 7 дугаар сарын өсөлтийг онцолжээ.
Гэсэн хэдий ч ДХБ цар тахлаас үүдэлтэй үр дагавруудыг харгалзан үзэж, ирэх оны урьдчилсан таамаглалыг өмнөхөөсөө бууруулсан байна. Урьд нь дэлхийн худалдааг 2021 онд 21.3 хувиар өснө хэмээн таамаглаж байжээ.
Мөн “COVID-19” халдвар тархсан хэвээр байвал урьдчилсан
таамаглалыг дахин бууруулж болзошгүйг дурдсан байна.
