Ulaanbaatar
Сэлэнгийн нутгаар 30 градусыг давж халж, дуу цахилгаантай, усархаг аадар бороотой
ОРОН НУТГИЙН МЭДЭЭ | СЭЛЭНГЭ
Сэлэнгэ /МОНЦАМЭ/. Сэлэнгэ аймгийн нийт нутгаар ойрын өдрүүдэд 30 градусыг давж
халж, зарим газраар дуу цахилгаантай, усархаг
аадар бороо орно. Иймд гэнэтийн
үер ус, нөөлөг салхины аюулаас сэрэмжтэй байхыг аймгийн УЦУОШТ-өөс онцгойлон анхаарууллаа.
2020 оны 6 дугаар сарын
28-ны 20 цагаас 6 дугаар сарын 29-ний 20 цаг хүртэлх цаг агаарын
урьдчилсан мэдээгээр Сэлэнгэ аймгийн нутгаар үүлшинэ. Түр зуурын
бороо орно. Дуу цахилгаантай. Салхи борооны өмнө түр зуур ширүүснэ. Бусад
хугацаанд салхи баруунаас 5-10 м/с. Шөнөдөө 13-18 градус, өдөртөө 27-32 градус
дулаан байна. Сүхбаатар хот орчмоор үүлшинэ. Түр зуурын бороо
орно. Дуу цахилгаантай. Салхи борооны өмнө түр зуур ширүүснэ. Бусад
хугацаанд салхи баруунаас 5-10 м/с. Шөнөдөө 15-17 градус, өдөртөө 29-31 градус
дулаан байна.
2020 оны 6 дугаар сарын
30-наас 2020 оны 7 дугаар сарын 4-нийг хүртэлх 5 хоногийн цаг агаарын
урьдчилсан мэдээгээр 7-р
сарын 1-нээс 2-нд шилжих шөнө, 2-нд зарим сумын нутгаар түр
зуурын бороо орно. Дуу цахилгаантай. Салхи борооны өмнө түр зуур ширүүснэ.
Бусад хугацаанд бороо орохгүй. Салхи баруунаас 5-10 м/сек. Шөнөдөө 11-16
градус, өдөртөө 25-30 градус дулаан байна.
