Улаанбаатар /МОНЦАМЭ/. Сургууль цэцэрлэгийг байгууллагын менежмент, сурлагын чанар, хүмүүжил төлөвшил, сургалтын орчин гэсэн үндсэн үзүүлэлтээр шалгаруулан урамшуулал олголоо.

Нийслэлийн тэргүүний сургууль, цэцэрлэгт индексийн урамшууллыг Улаанбаатар хотын удирдлагууд болон Нийслэлийн боловсролын газрын дарга Ж.Гантулга нар гардуулав.

Нийслэлийн Засаг дарга бөгөөд Улаанбаатар хотын захирагч С.Амарсайхан “Энэ жил бид улсын нийслэл Улаанбаатар хотынхоо тэгш ойг олон сайхан бүтээлч ажлаар угтаж байна. Нийслэлийн Засаг даргын мөрийн хөтөлбөрт хэд хэдэн дэд хөтөлбөр тусган боловсруулж ажил хэрэг болж яваа. 2017 оноос хойш нийтдээ 30 гаруй дэд хөтөлбөр хэрэгжүүлж байгаагийн хамгийн их ахицтай, үр дүнтэй хэрэгжиж байгаа нь “Боловсрол дэд хөтөлбөр-2020” юм. Энэ нь та бүхний хичээл, зүтгэл, ур чадварын үр дүн гэдгийг онцлон хэлмээр байна. Монгол Улсын тусгаар тогтнол, хөгжил дэвшил та бүхний өдөр тутам харьцаж буй хүүхэд багачуудын хувь заяанаас шалтгаалах учиртай” гэлээ.

Нийслэлийн хэмжээнд төрийн болон төрийн бус өмчийн 675 цэцэрлэгт 120 мянга гаруй хүүхэд, Ерөнхий боловсролын 255 сургуульд 290 гаруй мянган сурагч, нийт 800 орчим боловсролын байгууллагад 420 мянган хүүхэд сурч хүмүүжин, 30 мянга гаруй багш, ажилтан ажиллаж хөдөлмөрлөж байна.

Энэ жил дараах сургууль, цэцэрлэг шилдгээр шалгарч, 20 сая хүртэл төгрөгийн урамшуулал хүртлээ.

НИЙСЛЭЛИЙН ШИЛДЭГ ЦЭЦЭРЛЭГ:
Баянзүрх дүүрэг 122-р цэцэрлэг
Баянгол дүүрэг 94-р цэцэрлэг
Сонгинохайрхан дүүрэг 118-р цэцэрлэг
Чингэлтэй 19-р цэцэрлэг
Баянзүрх дүүрэг 82-р цэцэрлэг
Чингэлтэй дүүрэг 224-р цэцэрлэг
Багануур дүүрэг 142-р цэцэрлэг
Баянгол дүүрэг 141-р цэцэрлэг
Сүхбаатар дүүрэг 159-р цэцэрлэг
Сүхбаатар дүүрэг 69-р цэцэрлэг
Налайх дүүрэг 123-р цэцэрлэг
Хан-Уул дүүрэг 46-р цэцэрлэг
Сонгинохайрхан дүүрэг 170-р цэцэрлэг
Баянзүрх дүүрэг “Бидний үрс” цэцэрлэг
Сүхбаатар дүүрэг 16-р цэцэрлэг
Баянгол дүүрэг 93-р цэцэрлэг
Хан-Уул дүүрэг 72-р цэцэрлэг
Хан-Уул дүүрэг 73-р цэцэрлэг
Сонгинохайрхан дүүрэг 106-р цэцэрлэг
Баянзүрх дүүрэг 32-р цэцэрлэг

НИЙСЛЭЛИЙН ШИЛДЭГ СУРГУУЛЬ:
Баянгол дүүрэг 38-р сургууль
Чингэлтэй дүүрэг 17-р сургууль
Налайх дүүрэг 109-р сургууль
Сүхбаатар дүүрэг 6-р сургууль
Багануур дүүрэг “Гүн галуутай” цогцолбор
Сүхбаатар дүүрэг ЛӨЗБАС
Баянзүрх дүүрэг 55-р сургууль
Сонгинохайрхан дүүрэг 62-р сургууль
Чингэлтэй дүүрэг 72-р сургууль
Баянзүрх дүүрэг 120-р сургууль
Баянзүрх дүүрэг 92-р сургууль
Налайх дүүрэг “Эрдмийн оргил” цогцолбор
Сүхбаатар дүүрэг МУБИС-ийн ЕБС
Сонгинохайрхан дүүрэг 134-р сургууль
Хан-Уул дүүрэг 115-р сургууль
Баянгол дүүрэг “Эрдмийн ундраа” цогцолбор
Хан-Уул дүүрэг 60-р сургууль
Баянзүрх дүүрэг “Амгалан” цогцолбор
Сүхбаатар дүүрэг 25-р сургууль
Хан-Уул дүүрэг 130-р сургууль