Ulaanbaatar
Оюутны санаачилгыг дэмжих өрсөлдөөнт тэтгэлэг зарлалаа
МОНГОЛЫН МЭДЭЭ | БОЛОВСРОЛ
Улаанбаатар /МОНЦАМЭ/. БСШУСЯ-наас Азийн Хөгжлийн Банкны зээлийн санхүүжилтээр хэрэгжүүлж буй “Дээд боловсролын шинэчлэлийн төсөл”-ийн хүрээнд их, дээд сургууль, коллежийн оюутнуудын дунд тэтгэлэг олгох уралдаан зарлалаа.
Уралдаанд орон нутгийн их, дээд сургууль, коллежийн нийгэм,
хүмүүнлэгийн ухааны хөтөлбөрөөр суралцаж байгаа болон хөгжлийн бэрхшээлтэй 1-2
дугаар курсийн оюутнууд өөрсдийн санаачилгыг дэвшүүлж, төсөл бичиж оролцох
боломжтой.
Төслийн чиглэл Хүүхэд хамгаалал, Цахим орчны халдлагаас сэргийлэх, Соён гэгээрүүлэх, “Соёлтой
Монгол” хүн.
Төслийг 6 хүртэлх сарын хугацаанд хэрэгжүүлэх бөгөөд цар хүрээ, гарах үр дүнгээс хамаарч
төслийн санхүүжилтийн хэмжээ 5-10 сая төгрөг хүртэл байна.
Төслийн мэдүүлгийн маягтыг өргөдлийн хамт 2019 оны 9 дүгээр
сарын 20-ны өдрийг хүртэл харьяа их, дээд сургуулийн оюутны асуудал
хариуцсан албанд хүлээн авна.
Оюутны санаачилгыг дэмжих өрсөлдөөнт тэтгэлэгтэй холбоотой
дэлгэрэнгүй мэдээлэл, журам, маягтыг www.meсss.gov.mn, www.herp.mn (www.facebook.com/herp.mn/),
Facebook дахь “Монгол их дээд сургуулиудын сургалтын албаны мэдээллийн нэгдсэн
групп”-ээс танилцах боломжтой.
