Ulaanbaatar
С.Мнучин, И Ган нар уулзана
ДЭЛХИЙН МЭДЭЭ | ЭДИЙН ЗАСАГ
ВАШИНГТОН. /NHK/. АНУ-ын Сангийн сайд Стивен Мнучин, БНХАУ-ын Ардын
банкны тэргүүн И Ган нар энэ долоо хоногийн эцсээр Японы баруун нутгийн Фүкүока
хотноо уулзана.
Фүкүока хотод зургадугаар
сарын 8-9-нд “Их 20”-ийн Сангийн сайд, Төв банкны тэргүүн нарын уулзалт болох
юм. С.Мнучин, И Ган нар АНУ, БНХАУ-ын удирдагчдын уулзалтыг зохион байгуулах
боломж болон валютын манипуляцын асуудлыг голчлон хэлэлцэх төлөвтэй байна.
Осака хотноо зургадугаар сарын эцсээр болох “Их 20”-ийн удирдагчдын дээд хэмжээний уулзалтын үеэр АНУ-ын Ерөнхийлөгч Дональд Трамп, БНХАУ-ын дарга Си Жиньпин нар уулзах магадлал өндөр байгаа бөгөөд энэхүү уулзалт нь урт хугацааны турш үргэлжилсэн худалдааны маргааныг зохицуулахад чухал үүрэг гүйцэтгэнэ хэмээн мэргэжилтнүүд таамаглаж байгаа ажээ.
