Ulaanbaatar
Нөөцийн махыг зах зээлийн ханшаас 1800-2200 төгрөгөөр хямд борлуулж байна
ОРОН НУТГИЙН МЭДЭЭ | ОРХОН
Орхон /МОНЦАМЭ/ Нөөцийн махны борлуулалт, хангалт, нийлүүлэлтийн талаар аймгийн ЗДТГ-ын дарга Д.Соёлчхүү, ХХААГ-ын мэргэжилтэн болон холбогдох байгууллагын төлөөллүүд танилцлаа.
Учир нь өнгөрсөн гуравдугаар сараас “Эрдмийт”
ХХК-ийн бэлтгэсэн нөөцийн мах худалдаанд гарсан ч эрэлт ихтэй, зарим худалдааны
төвд борлуулагдахгүй байгаа талаар гомдол гарсан тул хяналт, шалгалтыг хийсэн
юм. Шалгалтын явцад иргэд ченжүүдийн бэлтгэж, борлуулж буй махыг нөөцийн махтай
андуурч, хэт өндөр үнэтэй байна гэж шүүмжилж байгааг мэргэжлийн байгууллагынхан
онцолж байлаа.
Өөрөөр хэлбэл,
аймгийн дэмжлэгтэйгээр бэлтгэсэн нөөцийн махыг “Эрдмийт” ХХК нийт зургаан цэгт
зах зээлийн ханшаас кг тутмыг нь 1800-2200 төгрөгөөр хямд борлуулж байгааг иргэд
мэдэхгүй байна гэсэн юм. Харин ченжүүд
намар бэлтгэсэн хонины махаа 8500-9500,
үхрийн махаа 12000 төгрөгөөр борлуулж байна. Иймд иргэд нөөцийн мах авахыг
хүсвэл “Эрдмийт” ХХК-ийн гэрээт борлуулагчаас авах хэрэгтэй гэлээ. Тодруулбал, хонь 7200-7700, үхэр 7200-10000, ямааны
мах
6300 төгрөгийн үнэтэй байна.
Орхон аймаг нь 120 гаруй мянга хүн амтай бөгөөд өдөрт
дунджаар 10 тонн мах
хэрэглэдэг гэсэн судалгаа бий. Иймд иргэдийн махны хэрэгцээг хангах, хаврын
улиралд махны үнийг хөөрөгдүүлэхгүйн тулд аймгийн ЗДТГ “Эрдмийт” ХХК-тай гэрээ
байгуулж, зах зээлд нийлүүлэгдэх үнийн зөрүүнд 150 сая төгрөг олгож, үхэр, хонь, ямааны нийт 300 тонн мах нөөцөлсөн байна. Өнөөдрийн байдлаар 140 гаруй тн мах
үлдсэн ажээ.
