Ulaanbaatar
Спортын наадамд 200 тамирчин өрсөлдөж байна
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Стандарт, хэмжил зүйн газраас 95 жилийн ойгоо тохиолдуулан Шадар сайдын эрхлэх асуудлын хүрээний агентлагуудын хооронд зохион байгуулж буй спортын наадам нээлтээ хийлээ.
Нээлтийн ажиллагаанд Стандарт хэмжилзүйн
газрын дарга Г.Гантөмөр, ОБЕГ-ын дарга, хошууч генерал Т.Бадрал болон МХЕГ,
Чөлөөт бүс, ШӨХТГ, СХЗГ-ын баруун, зүүн бүсийн удирдлагууд оролцож, баг
тамирчдад амжилт хүссэн юм.
Тэмцээнд Шадар сайдын ажлын алба, СХЗГ,
ОБЕГ, МХЕГ, Чөлөөт бүс, ШӨХТГ, СХЗГ-ын баруун, зүүн бүсийн ерөнхий газрын нийт
200 орчим баг тамирчид оролцож байгаа бөгөөд сагсан бөмбөг, гар бөмбөг,
ширээний теннис, билльяард, дартс, шатар гэсэн төрлөөр аваргуудаа шалгаруулах
юм.
ОБЕГ-ын харьяа “Аврагч” биеийн тамир
техник-спортын хороонд болж тус тэмцээн гар бөмбөгийн тэмцээнээр үргэлжилж
байна.
