Ulaanbaatar
Хуулийн салбарынхан нээлттэй хаалганы өдөрлөг зохион байгуулна
МОНГОЛЫН МЭДЭЭ | ХУУЛЬ
Улаанбаатар /МОНЦАМЭ/. Нийслэлийн 378 жил, Монголын Нотариатын байгууллага үүсэн байгуулагдсаны 92 жилийн ойг тохиолдуулан энэ сарын 16-нд Сүхбаатарын талбайд хуулийн салбарынхан нээлттэй хаалганы өдөрлөг зохион байгуулах болжээ.
Өдөрлөгт НЗДТГ, Монголын нотариатчдын танхим, Монголын өмгөөлөгчдийн холбоо, Монголын хуульчдын холбоо оролцох юм. Иргэдэд хууль зүйн болон нотариатын үйл ажиллагааг олон нийтэд таниулах, сурталчлах, эрх зүйн мэдлэгийг дээшлүүлэх зорилгоор Монголын нотариатчдын танхимын нийслэл, 21 аймгийн салбарын нотариатчид бүх төрлийн үйлчилгээг үзүүлж, үнэ төлбөргүй хуулийн зөвлөгөө өгөх аж. Түүнчлэн ХЗДХЯ, Нийслэлийн Шүүх, Прокурор, Цагдаагийн газар үйл ажиллагаагаа танилцуулж, зөвлөгөө, мэдээлэл хүргэх аж.
Нийслэлийн Засаг даргаас 2017 оныг “Иргэдийн оролцоотой эрх зүйн шинэтгэлийн жил” болгон зарласан. Энэ хүрээнд НЗДТГ-аас иргэдэд хууль, эрх зүйн үнэ төлбөргүй зөвлөгөө өгөх өдөрлөгийг сар бүр тогтмол зохион байгуулан ажиллаж байгаа юм.
Өдөрлөгт НЗДТГ, Монголын нотариатчдын танхим, Монголын өмгөөлөгчдийн холбоо, Монголын хуульчдын холбоо оролцох юм. Иргэдэд хууль зүйн болон нотариатын үйл ажиллагааг олон нийтэд таниулах, сурталчлах, эрх зүйн мэдлэгийг дээшлүүлэх зорилгоор Монголын нотариатчдын танхимын нийслэл, 21 аймгийн салбарын нотариатчид бүх төрлийн үйлчилгээг үзүүлж, үнэ төлбөргүй хуулийн зөвлөгөө өгөх аж. Түүнчлэн ХЗДХЯ, Нийслэлийн Шүүх, Прокурор, Цагдаагийн газар үйл ажиллагаагаа танилцуулж, зөвлөгөө, мэдээлэл хүргэх аж.
Нийслэлийн Засаг даргаас 2017 оныг “Иргэдийн оролцоотой эрх зүйн шинэтгэлийн жил” болгон зарласан. Энэ хүрээнд НЗДТГ-аас иргэдэд хууль, эрх зүйн үнэ төлбөргүй зөвлөгөө өгөх өдөрлөгийг сар бүр тогтмол зохион байгуулан ажиллаж байгаа юм.
Ч.Ариунболд
