Ulaanbaatar
ПСЖ финалд туналаа
ДЭЛХИЙН МЭДЭЭ | СПОРТ
ПАРИС.2025 оны тавдугаар сарын 8
/ТАСС/. Францын “Пари Сен-Жермен” баг өөрийн талбайд Английн “Арсенал”-ыг 2:1
харьцаагаар хожсоноор Аваргуудын лигийн тэмцээний финалд шалгарч үлдлээ.
Парис хотын “Парк де Пренс”
цэнгэлдэх хүрээлэнд өчигдөр болсон тоглолтод ПСЖ-ийн Фабиан Руис (27 дахь минут),
Ашраф Хакими (72) нар гоол оруулсан бол “Арсенал”-ын Букайо Сака 76 дахь минутанд
цорын ганц хариу гоолыг хийжээ. 69 дахь минутанд ПСЖ-ийн хагас хамгаалагч Витинья
11 м-ийн торгуулийн цохилт хийснийг “Арсенал”-ын хаалгач Давид Райя хаасан байна.
Лондонд болсон хагас шигшээгийн
эхний тоглолтод парисчууд 1:0-ээр ялсан тул хоёр тоглолтын нийлбэр дүнгээр ийнхүү
финалд шалгарлаа.
Тэд одоо финалд Италийн “Интер”-тэй
энэ сарын 31-ний бямба гарагт Мюнхен хотын "Арена Мюнхен" цэнгэлдэх хүрээлэнд тоглоно. “Интер” баг тус тэмцээний финалд 7
дахь удаагаа тоглох бөгөөд 1964, 1965, 2010 онуудад 3 удаа аваргалж байв.
Хамгийн сүүлд тус багийнхан 2023 онд финалд тоглохдоо Английн “Манчестер Сити”
багт 0:1-ээр хожигджээ.
Харин ПСЖ баг Аваргуудын лигийн
финалд хоёр дахь удаагаа шалгарч байгаа нь энэ бөгөөд өмнө нь 2020 оны финалд
Германы “Бавариа” багт 0:1 харьцаагаар хожигдож байв.
Аваргуудын лигт 15 удаа түрүүлсэн Испанийн “Реал Мадрид” баг тус тэмцээний дээд амжилтыг тогтоогоод байгаа
бөгөөд өмнөх 2024/2025 оны улирлын аварга юм.
