Ulaanbaatar
БНАСАУ-тай холбоотой тогтоолд хориг тавьсан шалтгаанаа тайлбарлахыг хүсжээ
ДЭЛХИЙН МЭДЭЭ | НИЙГЭМ
НЬЮ-ЙОРК. /NHK/. Өнгөрсөн сард НҮБ-ын Аюулгүйн Зөвлөлийн төлөөлөгчид
БНАСАУ-ын эсрэг хориг арга хэмжээнүүдийг пуужингийн туршилттай нь холбогдуулан
чангатгахыг эрмэлзсэн боловч БНХАУ, ОХУ хориг тавьсан юм. Харин эдгээр орон ямар
шалтгаанаар хориг тавьснаа лхагва гарагт тайлбарлажээ.
Энэ оны эхээр Ерөнхий
Ассамблейн гишүүд хориг тавих эрхээ ашигласан тохиолдолд шалтгааныг нь тайлбарлах
шаардлагыг төлөөлөгчдөд тавих тухай тогтоолыг баталсан бөгөөд Аюулгүйн Зөвлөлийн
байнгын гишүүд тус шаардлагыг анх удаагаа биелүүлсэн тохиолдол энэ болжээ.
БНХАУ-аас НҮБ-д суугаа байнгын төлөөлөгч Жан Жунь хэлэхдээ, хурцадмал байдлыг даамжруулах хэрэггүй хэмээгээд, асуудлыг шийдэх цорын ганц хэрэгжих боломжтой арга зам нь яриа хэлэлцээ гэдгийг тодотгосон байна.
Тэрбээр БНАСАУ-ын эсрэг
авсан хориг арга хэмжээнүүдийг сулруулах хэрэгтэй гэж хэлсэн нь Оросын
төлөөлөгчийн хэлсэнтэй нийцжээ. Үүнээс гадна Энэтхэг-Номхон далайн бүс нутагт
цэргийн эвслээ бэхжүүлж байна хэмээн АНУ-ын эрх баригчдыг буруутгасан байна.
Харин АНУ-ын Улс
төрийн асуудал хариуцсан ахлах зөвлөх Жеффри ДеЛаурентисын хувьд түүнтэй санал
нийлэхгүй байгаагаа илэрхийлээд, тэдгээр тайлбарыг хангалтгүй, үнэмшилгүй байна
гэж тодорхойлжээ. Тэрбээр хориг арга хэмжээг хурцадмал байдлын хариуд авч
байгааг цохон тэмдэглэсэн байна.
