Ulaanbaatar
СЭЛЭНГЭ: Алба хаагчид дотоод хяналт, шалгалтыг хэрэгжүүлэх арга зүйд суралцаж байна
ОРОН НУТГИЙН МЭДЭЭ | СЭЛЭНГЭ
Сүхбаатар,
2025 оны наймдугаар сарын 19 /МОНЦАМЭ/. Сэлэнгэ
аймгийн Соёл, урлаг, аялал жуулчлал, залуучуудын газар, Биеийн
тамир, спортын газар болон 17 сум, 6 тосгоны албан хаагчид мэргэших сургалтад
хамрагдаж байна.
Сургалтын гол зорилго нь хяналт-шинжилгээ, үнэлгээ, дотоод хяналт шалгалт хийх үйл ажиллагаанд дэмжлэг үзүүлж, хууль тогтоомж, дүрэм, журмын хэрэгжилт, төсвийн хөрөнгийн зарцуулалтыг сайжруулахад чиглэжээ.
Тус сургалтад хамрагдсанаар "Хяналт-шинжилгээ
хийх журам", "Үнэлгээ хийх журам", "Байгууллагын үйл ажиллагаа",
үр дүнг үнэлж, дүгнэх журам"-ыг хэрэгжүүлэх мэдлэг, хяналт-шинжилгээ, дотоод
хяналт, шалгалтыг хэрэгжүүлэх арга зүйг эзэмших юм.
Сургалтыг Соёл, спорт, аялал жуулчлал, залуучуудын яамны Хяналт-шинжилгээ, үнэлгээ, дотоод аудитын газраас зохион байгуулж байгаа ба тус яамны ХШҮДАГ-ын дарга Д.Түмэндэмбэрэл, ахлах мэргэжилтэн П.Оюунтуяа, О.Болормаа, шинжээч Г.Шүрэндолгор, Сэлэнгэ аймгийн БТСГ-ын дарга У.Батмөнх нар удирдан явуулж байна.
Энэхүү мэргэшүүлэх 8 цагийн танхимын сургалтад хамрагдсан албан хаагчид багт хуваагдаж, 10 гаруй дасгал ажлыг практик арга барилаар ажиллана. Мөн өгөгдсөн кейст хяналт-шинжилгээ хийх, үнэлгээ
хийх, үр дүнг үнэлж дүгнэх арга зүйгээр тайлагнан сургалтын төгсгөлд сертификат
гардан авах юм.
