Ulaanbaatar
Ойрын өдрүүдэд дуу цахилгаантай аадар бороо, мөндөр орно
ОРОН НУТГИЙН МЭДЭЭ | СЭЛЭНГЭ
Сэлэнгэ/МОНЦАМЭ/. Ойрын хоногуудад дуу цахилгаантай аадар бороо, мөндөр орох
тул үер ус, аянга цахилгааны аюулаас сэрэмжтэй байхыг анхааруулж байна.
Сэлэнгэ аймгийн УЦУОША-наас ирүүлсэн мэдээгээр энэ сарын 8-ны 20.00 цагаас 9-ний 20.00 цаг хүртэлх цаг агаарын урьдчилсан мэдээгээр Сэлэнгэ аймгийн нутгаар үүлшинэ. Бүх сумын нутгаар дуу цахилгаантай аадар бороо орно. Салхи борооны өмнө ширүүснэ. Бусад хугацаанд салхи баруун өмнөөс 6-11 м/сек.Шөнөдөө 14-19 градус, өдөртөө 19-24 градус дулаан байна.
Сүхбаатар хот орчмоор үүлшинэ. Дуу цахилгаантай аадар бороо орно. Салхи борооны
өмнө ширүүснэ. Бусад хугацаанд салхи баруун хойноос 6-11 м/сек. Шөнөдөө 17-19
градус, өдөртөө 20-22 градус дулаан байна. 7 дугаар сарын 10-14-нийг хүртэлх 5 хоногийн цаг агаарын
урьдчилсан мэдээгээр 11, 13-нд
зарим сумын нутгаар, 12-нд ихэнх сумын нутгаар дуу цахилгаантай аадар бороо
орно. Бусад хугацаанд бороо орохгүй. Салхи борооны өмнө ширүүсч баруунаас 8-13
м/сек. Бусад хугацаанд салхи баруун хойноос 5-10 м/с. Шөнөдөө 15-20 градус,
9-нд өдөртөө 22-27 градус, 10-наас өдөртөө дулаарч 26-31 градус дулаан байна.
