Ulaanbaatar
"Мазаалай” театрын баатрууд хүүхэд багачуудад хүндэтгэл үзүүллээ
ОРОН НУТГИЙН МЭДЭЭ | СЭЛЭНГЭ
Сэлэнгэ/МОНЦАМЭ/. "Олон улсын хүүхдийн эрхийг хамгаалах өдөр”-ийг
тохиолдуулан Сэлэнгэ аймгийн Онцгой байдлын газрын Гамшгаас хамгаалах сургалт арга
зүйн төвийн “Аврагч мазаалай" сургалтын танхимаас хүүхэд, багачууддаа хүндэтгэл үзүүллээ.
Тус танхимын дэргэдэх "Мазаалай” театрын баатрууд болох Аврагч Мазаалай, Томоо, Сониучхан, Солонго нар баярын энэ өдрөөр нийт 200 гаруй хүүхэд багачуудад гараа сайн угааж, амны хаалтаа сайн зүүгээрэй гээд зайрмаг, амны хаалт бэлэглэсэн байна. “Аврагч мазаалай" сургалтын танхимыг Онцгой байдлын газар, “Дэлхийн Зөн Монгол Олон улсын байгууллагын Сэлэнгэ Орон нутгийн хөтөлбөр"-тэй хамтран байгуулжээ. Уг танхимаар дамжуулан сургуулийн өмнөх болон ерөнхий боловсролын сургуулийн сурагчдад болзошгүй гамшгийн аюулаас өөрийгөө болон бусдыг хамгаалах мэдлэг, дадлыг олгодог ажээ.
