Ulaanbaatar
Халдварт саагийн эсрэг дархлаажуулалт 76.4 хувьтай байна
ОРОН НУТГИЙН МЭДЭЭ | СЭЛЭНГЭ
Сэлэнгэ/МОНЦАМЭ/. “Халдварт саагийн эсрэг тарьдаг вакцин”-д 2016 оны 2-р сарын 1-нээс 2018 оны 10-р
сарын 30-ны хооронд төрсөн хүүхэд бүр заавал хамрагдах ёстой аж. Учир нь энэ хугацаанд төрсөн хүүхдүүд 2 дугаар хэв
шинжийн полиовирусийн эсрэг дархлаагүй байгаа аж. Иймээс шилжилтийн буюу
дээрх хугацаанд төрсөн хүүхдүүдийг
2 дугаар хэв шинжийн полиовирусийн эсрэг дархлаатай болгохын тулд орон даяар халдварт саагийн эсрэг
тарьдаг вакцинаар дархлаажуулж эхэлжээ.
Сэлэнгэ аймагт дархлаажуулалтын хамралт энэ сарын 9-ний өдрийн байдлаар 76.4 хувьтай байна. Шилжилтийн үед төрсөн хүүхдүүдээ дархлаажуулалтад бүрэн хамруулж дуусгахын тулд 3-р сарын 15-ны өдрөөс эхлэн дархлаажуулалтын ажлыг эрчимжүүлэн ажиллаж эхэлжээ. Өнгөрсөн 3 өдрийн хугацаанд Сүхбаатар сумын 1, 2, 3, 4, 5, 7, УБТЗ-ын “Бүжинхэн”, аймгийн Сувиллын ясли зэрэг нийт найман цэцэрлэгийн 350 гаруй хүүхэд бүрэн хамрагдсан байна.
Энэхүү “Халдварт саагийн эсрэг гурван цэнт идэвхгүйжүүлсэн
вакцин”-ы дархлаажуулалтад
хамрагдаж амжаагүй хүүхдүүд харъяа сум, өрхийн эрүүл мэндийн төвүүдээр энэ сарын 31-нийг дуустал
бүрэн хамрагдахыг анхаарууллаа. Дархлаажуулалтыг эрчимжүүлэх
эл ажилд аймгийн ЭМГ-ын
халдварт өвчин, дархлаажуулалтын асуудал хариуцсан мэргэжилтэн Н.Эрдэнэдолгион,
аймгийн БСГ-ын СӨБ хариуцсан мэргэжилтэн Т.Намираа нар Сүхбаатар сумын СӨБ-ын
байгууллагуудад ажиллаж судалгаанд тулгалт хийжээ.
